آئندہ مالی سال کیلئے ملکی معیشت کا حجم ساڑھے 3 سوارب ڈالر تک پہنچ جائیگا: احسن اقبال

19 May, 2017 اب تک
آئندہ مالی سال کیلئے ملکی معیشت کا حجم ساڑھے 3 سوارب ڈالر تک پہنچ جائیگا: احسن اقبالاسلام آباد: (19 مئی 2017) قومی اقتصادی کونسل نے آئندہ مالی سال کے لئے 2113 ارب روپے کے ترقیاتی بجٹ اور 6 فیصد اقتصادی ترقی کا ہدف مقرر کرنے کی منظوری دیدی۔ وزیرمنصوبہ بندی احسن اقبال نے کہا ہے کہ آئندہ مالی سال کے آخر تک ملکی معیشت کا حجم ساڑھے 3 سو ارب ڈالر تک پہنچ جائیگا۔این ای سی کا اجلاس وزیراعظم نواز شریف کی زیرصدارت اسلام آباد میں ہوا۔ اجلاس میں آئندہ مالی سال کےبجٹ اور اقتصادی فریم ورک کی منظوری دی گئی۔ اجلاس کے بعد میڈیا بریفنگ میں وزیرمنصوبہ بندی احسن اقبال نے کہا کہ چار سالوں کے دوران مجموعی ترقیاتی بجٹ میں تین گنا اضافہ کیا گیا ہے۔ انفراسٹرکچر کیلئے 411 ارب روپے، توانائی کیلئے 404 ارب روپے اور سی پیک کیلئے 180 ارب روپے کی منظوری دی گئی ہے۔احسن اقبال نے مزید کہا کہ آئندہ مالی سال کیلئے اقتصادی ترقی کا ہدف 6 فیصد، جی ڈی پی میں سرمایہ کاری کا تناسب 17.2 فیصد مقرر کرنے اور برآمدات کا ہدف 24 ارب ڈالر رکھنے کی منظوری دی گئی ہے۔ وزیرمنصوبہ بندی نے مزید کہا کہ وزیراعظم نے اجلاس میں این ایف سی کے تحت خصوصی علاقوں کیلئے فنڈذ مختص کرنے کا مقدمہ بھی پیش کیا ہے۔یہ بھی پڑھئےقومی اقتصادی کونسل نے سالانہ ترقیاتی پروگرام کی منظوری دے دیآئندہ مالی سال، بجٹ خسارے میں اضافہ کئے بغیر ترقیاتی فنڈز میں اضافہ کیا، احسن اقبال
 

Watch Live News

 مزید خبریں 
« مزید خبریں
Post Your Comments
Select Language: