چین: شاپنگ کے دوران ناراض شوہروں کو جمع کروانے کی سہولت متعارف

15 Jul, 2017 نیو
بیجنگ: چین کے ایک شاپنگ مال نے دیر تک خریداری کرنے والی خواتین کے لیے آسانی پیدا کرنے کیلئے شوہروں کو جمع کروانے کی جگہ متعارف کروائی ہے۔ اب خواتین اپنی دیر تک شاپنگ کرنے کے دوران یہاں اپنے شوہروں کو چھوڑ سکتی ہیں اور واپسی پر انہیں حاصل کر سکتی ہے۔ شنگھائی کے گلوبل ہاربر مال میں شیشیے کے ڈبے نصب کیے گئے ہیں جہاں بیویاں اپنے ایسے ناراض شوہروں کو جمع کروا سکتی ہیں جنہیں طویل خریداری کے دوران ساتھ گھسیٹا جانا پسند نہیں ہے۔ ہر ڈبے کے اندر ایک کرسی ہے، مانیٹر، کپمیوٹر اور گیمز پیڈ ہے جہاں مرد بیٹھ کر 90 کی دہائی کی گیمز کھیل سکتے ہیں۔ ابھی تو یہ سہولت مفت ہے تاہم آنے والے مہینوں میں اس کے لیے فیس بھی مقرر کر دی جائے گی۔ یہ سہولت استعمال کرنے والے مردوں نے چینی اخبار ’دی پیپر‘ کو بتایا کہ یہ ایک انوکھا خیال ہے۔ یانگ نامی شخض کا کہنا تھا ’یہ ڈبے بہت اعلیٰ ہیں۔ میں نے ٹیکن 3 کھیلی اور مجھے لگا میں پھر سے سکول کے زمانے مںی لوٹ گیا ہوں۔‘ ایک دوسرے شخص وُو نے بھی اس سے اتفاق کیا اور کہا کچھ چیزوں کو بہتر کیا جا سکتا ہے۔ ان ڈبوں کا چین کے سوشل میڈیا پر کافی مذاق اڑایا جا رہا ہے اور ان کے بارے میں بحث جاری ہے کہ کیا اس خیال کو مزید بڑے پیمانے پر اپنایا جانا چاہیے۔ ایک صارف نے اس کی حمایت کرتے ہوئے کہا ان شوہروں کو اپنی بیگمات کو شاپنگ پر لے جانے اور ان کے بل ادا کرنے کا کوئی تو معاوضہ ملنا چاہیے‘ لیکن اس سے اختلاف کرنے والی ایک خاتون کا کہنا ہے کہ اگر میرا شوہر باہر جا کر گیمز کھیلنا چاہتا ہے تو مجھے ساتھ لے جانے کی کیا ضرورت ہے۔ نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈکریں
 

Watch Live News

 مزید خبریں 
« مزید خبریں
Post Your Comments
Select Language: