چودھری نثارکی ناراضگی کےباعث وزیراعظم نےخواجہ آصف کوقریب کرلیا

17 Jul, 2017 چینل24
اسلام آباد (24 نیوز): پاناما کے ہنگامے کے دوران وزیراعظم نواز شریف اپنی ہی جماعت کے اندر نئی صف بندی میں مصروف ہوگئے، چودھری نثار کی ناراضگی کے باعث وزیراعظم نے خواجہ آصف کو قریب کرکے خاموش پیغام دے دیا۔وزیراعظم نوازشریف کے قریب ترین سمجهے جانے والے چودھری نثار علی خان نے پہلی بار وزیر اعظم کے طریقہ کار سے کهل کر اختلاف کیا ہے، جس پر وزیراعظم نے چوہدری نثار کے پارٹی میں حریف خواجہ آصف کو قریب کر لیا۔ وزیراعظم نے وزیردفاع سے ون آن ون ملاقات بهی کی اور مستقبل کی حکمت عملی پر تبادلہ خیال بهی کیا۔اس سے قبل کابینہ ارکان میں سے وزیراعظم کے ساتھ علیحدگی میں ملاقات کا موقع صرف چودھری نثار کو ہی ملتا تها۔ وزیراعظم نوازشریف سے اسپیکر ایاز صادق نے بهی طویل ملاقات کی اور قومی اسمبلی کا اجلاس بلانے سمیت ملکی امور پر تبادلہ خیال کیا۔وزیر اعظم کی صدارت میں ایک غیر رسمی مشاورتی اجلاس بهی ہوا جس میں قانونی ٹیم نے سپریم کورٹ میں سماعت اور دائر اعتراضات پر بریفنگ دی۔
 

Watch Live News

 مزید خبریں 
« مزید خبریں
Post Your Comments
Select Language: