سپریم کورٹ کی جانب سے پانامہ کیس کا فیصلہ محفوظ کیے جانے کے بعد جناب وزیر اعظم نواز شریف کی طرف سے بھی اس فیصلے کو تسلیم کرنے کا اعلان کر دیا گیا ہے-
وزیراعظم نواز شریف کی جانب سے اس بات کا اعلان مسلم لیگ (ن) کے مشاورتی اجلاس
کے بعد کیا گیا ہے جس میں سپریم کورٹ کی جانب سے آنے والے پانامہ کیس کے فیصلے کو
تسلیم کرنے پر اتفاق کیا گیا-
میاں نواز شریف کے زیرِ صدارت ہونے والے اس اہم مشاورتی اجلاس میں وفاقی وزراء٬
مشیروں اور وزیراعلیٰ پنجاب شہباز شریف نے شرکت کی۔
اس موقع پر قانونی ٹیم نے سپریم کورٹ میں ہونے والی سماعت اور ممکنہ فیصلے سے متعلق
پہلے وزیر اعظم کو تفصیلی بریفنگ دی اور اس بریفنگ کو مدِنظر رکھتے ہوئے مشاورت کا
آغاز کیا گیا-
اس مشاورتی اجلاس میں یہ طے پایا کہ سپریم کورٹ جو بھی فیصلہ کرے گی اسے تسلیم کیا
جائے گا- اور اگر فیصلہ حکومت کے خلاف آتا ہے تو دیگر قانونی آپشنز پر غور کیا جائے
گا-