اعلیٰ ثانوی تعلیمی بورڈ کراچی نے انٹرمیڈیٹ حصہ دوم کامرس پرائیویٹ اور آرٹس پرائیویٹ کے ضمنی امتحانات برائے 2017ء کے نتائج کا اعلان کردیا ہے۔
اعلیٰ ثانوی تعلیمی بورڈ کے چیئرمین پروفیسر انعام احمد نے نتائج کی
تفصیلات بتاتے ہوئے کہا کہ کامرس پرائیویٹ گروپ کے امتحانات میں 2525طلباء رجسٹرڈ
ہوئے جس میں سے 2379 نے امتحانات میں شرکت کی جس میں 824طلباء کامیاب قرار پائے، اس
طر ح کامیابی کا تناسب 34.64 فیصد رہا، کامرس پرائیویٹ کے کامیاب ہونے والے طلباء
میں 2 نے اے گریڈ، 8 نے بی گریڈ، 122نے سی گریڈ، 562 نے ڈی گریڈ جبکہ 130 طلباء نے
ای گریڈ میں کامیابی حاصل کی۔ انہوں نے مزید بتایا کہ آرٹس پرائیویٹ گروپ کے
امتحانات میں 3273 طلباء رجسٹرڈ ہوئے ، 3129طلباء نے امتحانات میں شرکت کی جس میں
سے 1658 امیدوار کامیاب ہوئے اس طرح کامیابی کا تناسب 52.99 فیصد رہا، آرٹس
پرائیویٹ کے کامیاب ہونے والے طلباء میں ایک اے گریڈ، 66 بی گریڈ، 411 سی گریڈ، 996
ڈی گریڈ، 172 ای گریڈ میں کامیاب ہوئے جبکہ 12طلباء پاس ہوئے۔