سارہ علی خان کی پہلی فلم ریلیز سے قبل تنازعات کا شکار

14 Feb, 2018 ڈان نیوز
بولی وڈ کے چھوٹے خان سیف علی خان کی بیٹی سارہ علی خان کی اگرچہ تاحال کوئی فلم ریلیز نہیں ہوئی، تاہم وہ فلم ڈیبیو سے قبل ہی سپر اسٹارز کی طرح خبروں میں ہیں۔اگرچہ خبریں تھیں کہ سارہ علی خان ان دنوں اپنی پہلی فلم ’کیدر ناتھ‘ کی شوٹنگ میں مصروف ہیں، تاہم اب اطلاعات ہیں کہ ان کی پہلی فلم ریلیز ہونے سے قبل ہی تنازعات کا شکار ہوگئی ہے۔اب فلم کے پروڈیوسرز و ڈائریکٹر میں سرد جنگ ہونے سمیت ہدایت کار اور فلم کی کاسٹ و ٹیکینیکل اسٹاف میں بھی سرد مہری شروع ہوچکی ہے۔نوبت یہاں تک پہنچ چکی ہے کہ فلم میں سرمایہ کاری کرنے والی کمپنی ’کرج انٹرٹینمنٹ‘ ہدایت کار ابھیشک کپورکے خلاف عدالت میں جانے کا فیصلہ کرچکی ہے۔یہ بھی پرھیں: سارہ علی خان کی پہلی فلماطلاعات ہیں کہ فلم کے لیے سرمایہ فراہم کرنے والی کمپنی ’کرج انٹرٹینمنٹ‘ اور ہدایت کار ابھیشک کپور میں اس لیے اختلافات ہوئے کیوں کہ فلم کے اخراجات ابھی سے ہی معاہدے سے دگنے ہوچکے ہیں۔فلم کی جاری کی گئی پہلی جھلکبولی وڈ ہنگامہ کے مطابق ’کرج انٹرٹینمنٹ‘ کے سربراہ پروڈیوسر و ڈائریکٹر پریرنا ارورا ’کیدر ناتھ‘ کے ڈائریکٹر ابھیشک کپور کے خلاف عدالت میں جانے کا فیصلہ کرچکے ہیں، کیوں کہ فلم میں ابھی تک 50 کروڑ بھارتی روپے کے اخراجات آچکے ہیں اور فلم تاحال مکمل نہیں ہوسکی۔فلم ٹیم کے قریبی ذرائع کے مطابق یہ اخراجات اس معاہدے سے زیادہ ہیں، جو فلم کے ڈائریکٹر اور سرمایہ کار کمپنی کے درمیان طے پایا۔علاوہ ازیں فلم ڈائریکٹر کی جانب سے فلم کی شوٹنگ میں معاہدے میں طے وقت سے زیادہ وقت لیے جانے پر بھی سرمایہ کار کمپنیاں ’کرج انٹرٹینمنٹ اور ٹی سیریز‘ ڈائریکٹر سے ناراض ہیں۔ادھر ممبئی مرر نے بتایا کہ ’کیدر ناتھ‘ کی شوٹنگ میں زیادہ وقت لینے اور تاحال شوٹنگ مکمل نہ ہونے کے باعث فلم کے ہیرو سشانت سنگھ راجپوت اور فلم کے ڈائریکٹر ابھیشک کپور کے درمیان بھی سرد جنگ شروع ہوچکی ہے۔مزید پڑھیں: سارہ علی خان کی فلم ’کیدر ناتھ‘ کو نمائش کی تاریخ مل گئی With a lot of hope and excitement we left mumbai for #kedarnath not sure if what we would come back with would do justice to our vision. It was nothing short of an expedition Given the terrain and weather we would face. Having wrapped and on our way back, thanks to a great crew, and supporting producers #kriarjentertainment #arjunkapoor @iprernaarora @pragyadav ..im glad our smiles are still intact #kedarnaththemovie @guyintheskypictures @sushantsinghrajput #saraalikhan #jaibholenath #uttarakhand #pilgrimage #yatra #movie #passion #artists #love #loveisapilgrimage A post shared by Abhishek kapoor (@gattukapoor) on Oct 6, 2017 at 7:29pm PDTذرائع کا کہنا ہے کہ فلم کی شوٹنگ میں اضافی وقت لیے جانے اور اضافی اخراجات کے بعد فلم کی ٹیکنیکل ٹیم نے کام تک چھوڑ دیا ہے، جب کہ سرمایہ کارفلم ہدایت کار کے خلاف عدالت میں جانے کی تیاریوں میں ہیں۔ذرائع کا کہنا ہے کہ فلم کی شوٹنگ کے لیے سشانت سنگھ راجپوت کو دسمبر 2017 سے مصروف رکھا گیا، تاہم شوٹنگ کا آغاز 2018 میں کیا گیا، جب کہ ہدایت کار شوٹنگ کے لیے کاسٹ اور ٹیکنیکل ٹیم کا مزید اضافی وقت لینے کا ارادہ رکھتے ہیں۔اطلاعات کے مطابق فلم کو رواں برس جون تک مکمل کیے جانے کا معاہدہ کیا گیا تھا، تاہم ابھیشک کپور اسے تاخیر کے ساتھ تکمیل کرنا چاہتے ہیں۔فلم کی شوٹنگ مکمل ہونے اور اسے ریلیز کیے جانے سے قبل ہی تنازعات سامنے آنےکے بعد سارہ علی خان کی فلمی دنیا میں انٹری مشکل میں پڑ گئی ہے، کیوں کہ یہ ان کی پہلی فلم ہے۔فلم کی شوٹنگ مکمل نہ ہونے یا اسے ریلیز کرنے میں تاخیر کا سب سے زیادہ نقصان سیف علی خان کی بیٹی سارہ علی خان کو ہی ہوگا، کیوں کہ کئی فلم پروڈیوسر و ڈائریکٹرز ان کی پہلی فلم کے انتظار میں ہے۔یہ بھی پڑھیں: سارہ علی خان کی تصاویر وائرلعلاوہ ازیں یہ چہ مگوئیاں بھی کی جا رہی ہیں کہ اگر سارہ علی خان کی پہلی فلم ہی تاخیر کا شکار ہوئی تو فلم ڈائریکٹر و پروڈیوسر انہیں فلموں میں کاسٹ کرنے سے گریز کریں گے۔واضح رہے کہ 2 دن قبل ہی یہ خبر سامنے آئی تھی کہ سارہ علی خان کو عرفان خان کی آنے والی فلم ’ہندی میڈیم 2‘ میں بھی کاسٹ کیا جائے گا۔’ہندی میڈیم 2‘ میں سارہ علی خان، عرفان خان کی بیٹی کا کردار ادا کریں گی۔ Email
 

Watch Live News

 مزید خبریں 
« مزید خبریں
Post Your Comments
Select Language: