ملتان سلطانز کی جیت،ثانیہ مرزااور شنیرا اکرم کا سٹیڈیم میں جشن

image


شارجہ:پاکستان سپر لیگ کا تیسرا مرحلہ زورو شور سے جاری ہے اور شائقین کرکٹ پاکستان کے اس میگا ایونٹ کو بھرپور طریقے سے انجوائے کرتے نظر آتے ہیں۔جہاں ایک طرف گراﺅنڈ میں کھلاڑی اپنی صلاحیتوں کا مظاہرہ کرتے نظر آتے ہیں تو وہی دوسری طرف کھلاڑیوں کی بیویاں بھی اپنے شوہروں اور ان کی ٹیم کو بھرپور انداز میں سپورٹ کرنے سٹیڈیم میں موجود رہتی ہیں۔

یہ بھی پڑھیں:ملتان سلطانز کے صہیب مقصود نے اپنی شاندار کارکردگی کا کریڈٹ سنگاکارا کو دیدیا

اسی طرح کا ایک منظر گزشتہ شب پشاور زلمی اور ملتان سلطانز کے میچ کے بعد دیکھنے کو ملا جب سٹیڈیم میں موجود شعیب ملک کی اہلیہ ثانیہ مرزا(پاکستانیوں کی بھابھی) اور سابق کپتان اور ڈائریکٹر کرکٹ ملتان سلطانز وسیم اکرم کی اہلیہ شنیرا اکرم نے ملتان کی جیت کے بعد شائقین کرکٹ کے ساتھ مل کر جیت کا خوب جشن منایا ۔

ہوا کچھ یوں کہ جب ملتان سلطانز نے پشاور زلمی کے خلاف جیت حاصل کی تو وہاں پر موجود ثانیہ مرزا اور شنیرا اکرم خوشی سے پھولے نہیں سمائیں اور ایک دوسرے کے ساتھ جیت کی خوشی کا بھرپور انداز میں اظہار کرتی نظر آئی جن کو دیکھ کر وہاں پر موجود شائقین کرکٹ بھی خوشی سے جھوم اٹھے اور ان کی خوشی میں ان کا ساتھ دینے لگے۔

یہ بھی پڑھیں:پی ایس ایل تھری، ملتان سلطان نے پشاور زلمی کو 19 رنز سے شکست دیدی

یاد رہے کہ گزشتہ شب کھیلے گئے پاکستان سپر لیگ کے میچ میں ملتان سلطانز نے صہیب مقصود کی جارحانہ بلے بازی کی بدولت پشاور زلمی کو 19 رنز کی شکست سے دوچار کیا تھا۔


About the Author:

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.