کراچی …… ثانوی تعلیمی بورڈ کراچی نے نویں اور دسویں سائنس وجنرل گروپ کے سالانہ عملی امتحانات 2018شروع کرنے کا اعلان کر دیا ہے۔
تفصیلات کے مطابق میٹرک بورڈ کے ناظم امتحانات خالد احسان نے بتایا کہ20اپریل
سے14مئی تک عملی امتحانات دیئے گئے شیڈول کے مطابق ہوں گے جبکہ 13اپریل سے امتحانی
مراکز کا سامان بھی ایگزامینشن اسٹور بورڈ آفس سے صبح ساڑھے 9بجے سے شام 5بجے تک
جاری کیا جائے گا۔تفصیلات کے مطابق13اپریل کو نیو کراچی، نارتھ ناظم آباد، گلبرگ،
لیاقت آباد ۔ 14اپریل کوجمشید ٹاؤن، گلشن اقبال،شاہ فیصل۔ 16اپریل کو لانڈھی،
کورنگی، ملیر، بن قاسم جبکہ 17اپریل کوبلدیہ، سائٹ، اورنگی، صدر، لیاری، کیماڑی اور
گڈاپ حاصل کر سکتے ہیں ۔ انہوں نے کہا کہ اسکولوں کے سربراہان یا ان کے نمائندے
اپنے شناختی کارڈ کی کاپی، آفس کارڈ اور اتھارٹی لیٹر کے ہمراہ امتحانی سامان میٹرک
بورڈ سے دی گئی تاریخوں میں حاصل کر سکتے ہیں۔