ثانوی تعلیمی بورڈ کے ناظم امتحانات خالد احسان کے اعلامیہ کے مطابق میٹرک سائنس وجنرل گروپ ریگولر وپرائیویٹ کے سالانہ پریکٹیکل امتحانات 2018میں شرکت کے ایسے خواہشمند طلبہ وطالبات کو اطلاع دی جاتی ہے کہ وہ اپنے امپروومنٹ آف گریڈ ، اضافی پرچے،ایک ساتھ تمام پرچے اور فیل ہوجانے والے امیدواروں کے پریکٹیکل فزکس، علم کیمیا ، حیاتیات ، کمپیوٹر اسٹیڈیز، فوڈ اور نیوٹریشن، ملبوسات، پارچہ بافی، بریل کے امتحانات 2مئی سے 15مئی تک شیڈول کے مطابق ہوں گے۔
تفصیلات کے مطابق طلباء کیلئے دہلی گورنمنٹ بوائز سیکنڈری اسکول L.21/1کریم
آباد،گورنمنٹ بوائز سیکنڈری اسکول نمبر1ناظم آبا نمبر2، اوکھائی میمن بوائز سیکنڈری
اسکول مچھی مانی روڈ نمبر1کھارادر، پروگریسو ماڈل سیکنڈری اسکول 246 گارڈن ویسٹ،
ایگرو ٹیکنیکل گورنمنٹ بوائز سیکنڈری اسکول شاہ فیصل کالونی نمبر 2، ملت گورنمنٹ
بوائز سیکنڈری اسکول کورنگی نمبر2، گورنمنٹ بوائز سیکنڈری اسکول نمبر 2لانڈھی ساڑھے
5جبکہ طالبات کیلئے کمپری ہینسو گرلز سیکنڈری اسکول بلاک ایم نارتھ ناظم
آباد،گورنمنٹ گرلز سیکنڈری اسکول نمبر1جیکب لائن،ملت گورنمنٹ گرلز سیکنڈری اسکول
کورنگی نمبر2 اور گورنمنٹ گرلز سیکنڈری اسکول نمبر2لانڈھی ساڑھے 5 شامل ہیں۔ تمام
امیدواروں سے کہا گیا ہے کہ متعلقہ مراکز میں اپنے عملی امتحانات میں شامل ہوں۔
امیدواروں کو عملی امتحانات کا شیڈول ان کے رہائشی پتوں پر بھیج دیئے گئے ہیں نہ
ملنے کی صورت میں بورڈ میں27اپریل سے کمرہ نمبر 48بلاک بی سیکنڈ فلور میں 9بجے سے
5بجے تک رابطہ کر سکتے ہیں۔