شوال کا چاند نظر آنے سے قبل ہی رویت ہلال کمیٹی نے عیدالفطر کا اعلان کردیا

12 Jun, 2018 روزنامہ اوصاف
اسلام آباد (نیوز ڈیسک ) نیا چاند جمعرات 14 جون 2018 ءکی شام دکھائی دینے کا امکان نہ ہونے کے برابر ہے لہٰذا رمضان المبارک کے 30 ایام مکمل کرنے کے بعد عیدالفطر 16 جون کو ہوگی ۔ سیکرٹری جنرل رویت ہلال ریسرچ کونسل خالد اعجاز مفتی کی جانب سے جاری بیان میں کہا گیا کہ نیا چاند جمعرات 14 جون 2018 ءکی شام دکھائی دینے کا امکان تقریباً نہ ہونے کے برابر ہی ہے لہٰذا رمضان المبارک کے 30 ایام مکمل کرنے کے بعد عیدالفطر 16 جون کو ہوگی ۔ --> بیان میں کہا گیا کہ نیا چاند اُس وقت تک دکھائی نہیں دیتا جب تک کہ اُس کی عمر غروبِ آفتاب کے وقت کم از کم 19گھنٹے سے زائد اور غروبِ شمس و غروبِ قمر کا درمیانی فرق کم از کم 40 منٹ سے زائد نہ ہو جائے ۔ نیا چاند 13 اور 14 جون کی درمیانی شب پاکستان کے معیاری وقت کے مطابق 12 بجکر 43 منٹ پر پیدا ہوگا ۔ نئے چاند کی عمر 14 جون 2018 ءکو غروبِ آفتاب کے وقت پاکستان کے کسی بھی شہر میں 19 گھنٹے سے زائد نہیں ہوگی نیز غروبِ آفتاب و غروبِ قمر کا درمیانی فرق پاکستان کے تمام شہروں میں 40 منٹ سے کم ہوگا لہٰذا رمضان المبارک کے 30 دِن پورے ہونے کے بعد عید الفطر ہفتہ 16 جون بروز ہفتہ کو منائی جائے گی ۔خیال رہے کہ اس سے قبل محکمہ موسمیات نے بھی شوال کا چاند جمعرات کو نظر آنے کے حوالے سے کہا تھا کہ سائنسی لحاظ سے 29 رمضان المبارک کو شوال کا چاند نظر آنے کے امکانات کم ہیں۔ محکمہ موسمیات نے شوال کے چاند کی عمر کے حوالے سے وزارت مذہبی امور کو تفصیلات بھی بھجوائی تھیں۔ محکمہ موسمیات کے مطابق شوال کے چاند کی پیدائش 14 جون کو شب 12:45 پر ہو گی۔ غروب آفتاب سے چاند 39 منٹ تک آسمان پر دکھائی دے گا۔ سورج غروب ہونے پر چاند کی عمر 19 گھنٹے 3 منٹ ہو گی۔
 

Watch Live News

 مزید خبریں 
« مزید خبریں

Comments & Reviews

پہلے محکمہ موسمیات والے کہہ رہےتھے کہ جمعرات کے دن چاند نظر انے کا قوی امکان ھے ملک کے بیشتر حصول میں چاند دیکھی جاسکتی ھے لیکن اج دوسرا بیان دے دیا جمعرات کےدن رویت والے بیٹھیں اور چاند دیکھنے کی کوشش کریں بصورت دیگر ملک میں دو عید قوی ھوجائنگے
Israr Muhammad Khan, Swabi Jun 13, 2018

Seraj
seraj ahamad, kushinagar Jun 12, 2018

Post Your Comments
Select Language: