اب انٹرنیٹ کے بغیر بھی ہر زبان کا ترجمہ گوگل پر ممکن

14 Jun, 2018 نیو
نیویارک :اگر تو آپ کو انگلش بولنے یا سمجھنے میں مشکل کا سامنا ہو، تو اب گوگل آپ کی مدد کرنے کے لیے تیار ہے ، گوگل نےاینڈرائیڈاورآئی او ایسڈیوائسز کے لیے اپنی ایسی ٹرانسلیٹ ایپ کو نیورل مشین ٹرانسلیشن سپورٹ فراہم کردی ہے، آسان الفاط میں اب اسے استعمال کرنے کے لیے انٹرنیٹ کنکشن کی ضرورت نہیں ہوگی۔ پہلے گوگل کی ٹرانسلیٹ ایپ تک رسائی صرف انٹرنیٹ کے ذریعے ہی ممکن تھی تاہم لوگوں کو اکثر اس کی ضرورت تب محسوس ہوتی ہے جب وہ آف لائن ہوتے ہیں۔ گوگل کے مطابق 13 جون سے آف لائن ترجمے کی سہولت صارفین کی محدود تعداد کو فراہم کرنے کا سلسلہ شروع ہوگیا ہے اور آئندہ چند ہفتوں میں تمام افراد اس سے فائدہ اٹھاسکیں گے۔ یہ ایپ اردو سمیت 59 زبانوں جیسے بنگالی، ہندی، عربی، انگلش اور فارسی وغیرہ آف لائن ٹرانسلیشن سپورٹ فراہم کررہی ہے ، کمپنی کے مطابق ہر زبان کا لینگوئج پیک 30 سے 40 ایم بی کا ہوگا، یعنی آف لائن ترجمے کے لیے زیادہ اسٹوریج یا طاقتور پراسیسر والے فون کی ضرورت نہیں ہوگی، یہ کام سستے فون میں بھی ہوسکے گا۔ خیال رہے کہ کچھ عرصے پہلے مائیکرو سافٹ نے بھی آف لائن ترجمے کی سہولت فراہم کرنے والی سروس متعارف کرائی تھی ، ایسا لگتا ہے کہ گوگل نے مائیکروسافٹ سے پیچھے رہنے کے خیال سے پریشان ہوکر ہی اپنی ٹرانسلیٹ ایپ میں یہ نیا اضافہ کیا۔
 

Watch Live News

 مزید خبریں 
« مزید خبریں
Post Your Comments
Select Language: