میٹرک بورڈ سے الحاق اسکولوں کے رجسٹریشن فارم بغیر لیٹ فیس کے جمع کرانے کی تاریخ میں توسیع
انرولمنٹ فیس کے ساتھ اضافی فیس وصول نہ کی جائے، چیئرمین میٹرک بورڈ
کراچی …… ثانوی تعلیمی بورڈ کراچی کے چیئرمین پروفیسر ڈاکٹرسعید الدین نے بورڈ
سے الحاق شدہ اسکول اور نئے اسکولوں کے رجسٹریشن فارم 2018-19 جمع کرانے کی تاریخ
میں بغیر لیٹ فیس کے 17ستمبر 2018 تک توسیع کر دی ہے۔ انہوں نے کہا کہ تاریخ گزرنے
کے بعد پہلے سے دیئے گئے شیڈول کے مطابق لیٹ فیس کے ساتھ فارم وصول کئے جائیں گے۔
واضح رہے کہ تمام اسکولوں کے سربراہان کو یہ ہدایت کی جاتی ہے کہ وہ تمام طلباء و
طالبات سے انرولمنٹ کی فیس 600 روپے اور فارم کی فیس 100کے علاوہ کسی طرح کی بھی
اضافی فیس نہ لیں۔ شکایت ملنے کی صورت میں اس اسکول کا الحاق بورڈ سے ختم کر دیا
جائے گا۔