اعلیٰ ثانوی تعلیمی بورڈ کراچی نے اعلان کیا ہے کہ امتحانی فارمز سمیت تمام زیراستعمال فارمز بورڈ کی ویب سائٹ پراپ لوڈ کردیئے گئے ہیں، تفصیلات کے مطابق طلباء کی سہولت کو مدنظر رکھتے ہوئے اور جدید تقاضوں سے ہم آہنگ ہوتے ہوئے انٹربورڈ کے زیراستعمال تمام فارم بورڈ کی ویب سائٹ پر اپ لوڈ کردیئے گئے ہیں جبکہ فارمز کی فیس کراچی میں یونائیٹڈ بینک لمیٹڈ کی کسی بھی برانچ میں اکاؤنٹ نمبر UBL-CMA-252536591 جمع کروانے کی سہولت پہلے ہی متعارف کروائی جاچکی ہے، اس حوالے سے کالجوں کی انتظامیہ اور طلباء کو ہدایت کی گئی ہے کہ وہ مطلوبہ فارم بورڈ کی ویب سائٹ سے ڈاؤن لوڈ کر کے دیئے گئے سائز کے پیپر پر پرنٹ کر کے بورڈ آفس میں جمع کرواسکتے ہیں۔
بورڈ کے اسٹاک میں موجود پرانے فارم ختم ہونے کے بعد نئے فارمز ہی استعمال
کیے جائیں گے۔