خواتین کے بارے میں نازیبا کلمات، انڈین کرکٹرز پر جرمانہ

21 Apr, 2019 بی بی سی اردو
انڈین کرکٹ ٹیم کے آل راؤنڈر ہاردک پانڈیا اور بلے باز لوکیش راہول کو ٹی وی پروگرام پر خواتین کے بارے میں نازیبا کلمات ادا کرنے کی پاداش میں 20 لاکھ انڈین روپے کا جرمانہ عائد کر دیا گیا ہے۔

انڈین کرکٹ ٹیم کے آل راؤنڈر ہاردک پانڈیا اور بلے باز لوکیش راہول کو ٹی وی پروگرام پر خواتین کے بارے میں نازیبا کلمات ادا کرنے پر 20 لاکھ انڈین روپے کا جرمانہ عائد کر دیا گیا ہے۔

بورڈ آف کنٹرول کرکٹ انڈیا (بی سی سی آئی) نے دونوں کھلاڑیوں کو مشہور ٹی وی شو 'کافی ود کرن' پر 'جنسی اور نسلی تعصب، اور بداخلاقی پر مبنی الفاظ' کہنے پر جرمانہ عائد کیا ہے۔

جنوری میں نشر ہونے والے اس اس انٹرویو کے بعد 25 سالہ پانڈیا اور 27 سالہ راہول کو انڈیا کے آسٹریلیا کے دورے سے وطن واپس بھیج دیا گیا تھا جس کے نتیجے میں ان دونوں نے پانچ میچوں میں شرکت نہ کر سکے تھے۔

اسی بارے میں مزید پڑھیے

عورتوں کے متعلق 'نازیبا' باتیں کرنے پر دو انڈین کھلاڑی معطل

کافی وِد کرن میں متنازع بیان، انڈین کرکٹرز مشکل میں

بی سی سی آئی کی جانب سے جاری کیے گئے بیان کے مطابق دونوں کھلاڑیوں نے اپنے کہے گئے الفاظ پر معافی مانگی تھی اور شرمندگی کا اظہار کیا تھا لیکن بورڈ کے مطابق ان دونوں کو اس غلطی کا 'خمیازہ بھگتنا تھا۔'

بی سی سی آئی کی جانب سے تفتیشی رپورٹ میں کہا گیا کہ 'انڈیا میں کرکٹ کو مذہب کی طرح لیا جاتا ہے اور کرکٹرز کی بے انتہا قدر کی جاتی ہے۔ انڈیا کی جانب سے کھیلنے والے کھلاڑیوں کو اس ذمہ داری کا احساس ہونا چاہیے۔'

Getty Imagesہاردک پانڈیا اور کے ایل راہل کو نہ صرف ٹیم سے معطل کیا گیا ہے بلکہ آسٹریلیا سے انڈیا جانے کے لیے کہہ دیا گیا ہے

ٹی وی شو پر ہاردک پانڈیا نے متعدد خواتین کے ساتھ جنسی روابط پر بات کی تھی اور کہا تھا کہ وہ نائٹ کلبز میں خواتین کا مشاہدہ کرتے ہیں۔

انھوں نے مزید کہا کہ وہ اس حوالے سے اپنے والدین سے بھی بات کرتے ہیں۔ البتہ ان کے ساتھ انٹرویو دینے والے لوکیش راہول پانڈیا کے مقابلے میں زیادہ محتاط تھے۔

انڈین ٹیم کے کپتان وراٹ کوہلی نے اس انٹرویو میں دینے جانے والے بیان کو 'نامناسب' قرار دیا تھا۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels
 
« مزید خبریں