پلاسٹک کے فضلے کو کم کرنے کیلئے دنیا کے بڑے ممالک میں معاہدہ

13 May, 2019 روز ٹی وی

لندن: (ویب ڈیسک) دنیا کے بڑے ممالک میں سمندر میں پھینکے جانے والے پلاسٹک کو کم کرنے کا معاہدہ طے پا گیا ہے۔

غیر ملکی خبر رساں ادارے کے مطابق تمام ممالک باسل کنونشن میں ترمیم کرنے پر آمادہ ہوئے تاکہ پلاسٹک پر عالمی تجارت کو مزید شفاف، بہتر اور اصولوں کے مطابق کیا جاسکے۔

اقوام متحدہ کے ماحولیات برائے باسل، روٹرڈیم اور سٹاک ہوم کنونشنز کے ایگزیکٹو سیکریٹری رولف پایٹ کا کہنا تھا کہ فخر ہے کہ ہفتے جنیوا میں باسل کنونشن کے شریک ممالک کے درمیان معاہدہ طے پایا ہے کہ قانونی طور پر پلاسٹک کے فضلے کی عالمی سطح پر نگرانی کی جائے گی۔

رولف پایٹ کا کہنا تھا کہ پلاسٹک کے فضلے سے پھیلنے والی آلودگی ماحولیاتی مسائل کی سب سے بڑی وجہ ہے اور یہ عالمی توجہ کا مرکز بھی ہے، سمندروں میں 10 کروڑ ٹن پلاسٹک موجود ہے جس میں سے 80 سے 90 فیصد زمین سے وہاں پہنچا ہے۔

رولف پایٹ کے مطابق نئے قوانین سے سمندری آلودگی پر اثرات سامنے آئیں گے اور پلاسٹک وہاں نہیں جائے گا جہاں اسے نہیں جانا چاہیے۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels
 
« مزید خبریں