سابق پاکستانی آل راؤنڈر شاہد خان آفریدی نے کہاکہ کرکٹ میں ہم بھارت کی اتنی پٹائی لگاتے کہ میچ کے بعد وہ معافی مانگ رہے ہوتے تھے۔
ایک یوٹیوب چینل پر انٹرویو کے دوران گفتگو کرتے ہوئے سابق بوم بوم بلے باز شاہد آفریدی کا کہنا تھا کہ بھارتی کھلاڑی میچ میں پٹائی کھانے کے بعد معافی مانگ رہے ہوتے تھے، انہوں نے کہا کہ میں ہمیشہ ہی بھارت میں کرکٹ کھیل کر لطف اندوز ہوا، ہم نے انھیں کئی بار شکست دی، بہت بڑے مارجن سے بھی ہرایا۔
آفریدی نے کہا کہ میں بھارت اور آسٹریلیا دونوں ٹیموں کے خلاف میچز کھیل کر کافی لطف اندوز ہوا ہوں، ان ٹیموں سے مقابلوں میں آپ پر زیادہ دباؤ ہوتا ہے، کیونکہ دونوں ٹیمیں بہت ہی اچھی اور مضبوط ہیں، ان کی ہی کنڈیشنز میں کھیلنا بہت بڑا چیلنج ہوتا ہے۔
شاہد آفریدی نے مزید کہا کہ وہ اپنی سب سے یاد گار اننگز بھارت کے خلاف بھارت میں ہی بنائے گئے 141 رنز کو قرار دیتے ہیں۔
انہوں نے مزید کیا کہا دیکھیں اس ویڈیو میں۔