پیٹرول آئے روز مہنگا ہوتا رہتا ہے اور یوں گاڑی سی این جی پر چلائی جاتی ہے مگر سی این جی بھی تو کوئی سستی نہیں ہوتی ہے اب یہ تو ہم نہیں کہہ سکتے کہ ایسا کوئی جادو موجود ہے جو گاڑی بھی چلائے تیز اور سی این جی بھی بچائے زیادہ سے زیادہ مگر ہاں یہ ضرور کہہ سکتے ہیں کہ گاڑی کو چلانے کے ساتھ آپ اگر کچھ احتیاط کرلیں تو یہ طریقے آپ کی سی این جی بچانے میں ضرور مفید ہوسکتے ہیں۔
سی این جی بچانے سے مراد یہی ہے کہ کس طرح کم خرچ کی جائے کیونکہ اکثر ایسا ہوتا ہے کہ آپ کہیں کام سے نکلے ہوتے ہیں اور راستے میں سی این جی ختم ہو جاتی ہے اور گاڑی کو دھکے لگوانے پڑ جاتے ہیں اس زحمت سے بچنے کے لیئے آپ کے لیئے یہ ٹپس بہت مفید ثابت ہوسکتی ہیں۔
• گاڑی کی سپیڈ کو ہلکی رکھیں تاکہ زیادہ سی این جی استعمال نہ ہوسکے۔ کیونکہ تیز چلانے سے گیس بھی زیادہ لگے گی۔
• گاڑی کو سٹارٹ کرتے وقت صرف ایک سیکنڈ تک ہی چلائیں کیونکہ جتنا فالتو گاڑٰی چلائیں گے آپ کی سی این جی بھی اتنی ہی زیادہ خرچ ہوگی۔
• کہیں کسی کا انتظار کر رہے ہیں تو ایک سیکنڈ یا بہت زیادہ کرکے ایک منٹ بعد گاڑی ہی بند کردیں ایسا کرنے سے بھی آپ کا خرچہ کم ہوگا۔
• گاڑی میں سی این جی یا تو صبح جلدی ڈلوائیں یا تو رات کے پہر ڈلوائیں اس سے آپ کو نہ تو زحمت ہوگی اور نہ ہی تیزی میں گاڑی بھگائیں گے۔>
• بریک لگانے سے گریز کریں کوشش کریں کہ آپ کی گاری اور سامنے سے آنے والی گاڑی میں اتنا فاصلہ ہوکہ آپ کو ہر تھوڑی دیر بعد بریک نہ لگانا پڑے۔
• زیادہ اے سی یا ہر وقت اے سی چلانے سے بھی گیس زیادہ استعمال ہوتی ہے۔
• گاڑی کی مینٹینس رکھیں، ٹائروں کا موازنہ کرتے رہیں جہاں سے ہوا لیک ہو رہی ہو بھروائیں اور اعتدال سے گاڑی چلائیں۔