پاکستان کے وزیراعظم عمران خان نے 31 سال پُرانی تصویر سوشل میڈیا پر شئیر کر کے پرانی یادیں تازہ کر دیں۔
تفصیلات کے مطابق عمران خان نے انسٹاگرام اکاؤنٹ پر مداحوں کے ساتھ اپنی ماضی کی حسین اور یادگار تصویر شئیر کی ہے جسے کئی لوگ اب تک لائک کر چکے ہیں۔
عمران خان کی جانب سے شئیر کی جانے والی یہ تصویر 31 سال پُرانی یعنی سال 1989ء کی بتائی جا رہی ہے۔
تصویر میں دیکھا جا سکتا ہے کہ وزیراعظم سڑک پر موجود ہیں جبکہ تصویر میں عمران خان کے چہرے پر ہلکی مُسکراہٹ بھی ہے۔
شئیر کی گئی تصویر میں عمران خان کا لباس دیکھ کر اندازہ لگایا جاسکتا ہے کہ یہ تصویر موسم سرما کے دوران لی گئی تھی۔
یاد رہے کہ وزیراعظم عمران خان اکثر اپنے ماضی اور حال کے حسین اور خوبصورت لمحات کو سوشل میڈیا پر شئیر کرتے رہتے ہیں۔