پاکستان کرکٹ ٹیم کے فاسٹ بولر حسن علی کی اہلیہ سامعہ آرزو نے اپنی بیٹی کی پیدائش کے بعد اس کی تصویر مداحوں کے ساتھ شئیر کی اور ننھی پری کا نام بھی بتایا۔
تفصیلات کے مطابق سامعہ حسن نے انسٹاگرام پر بیٹی کی تصویر شئیر کی ہے جس کے کیپشن میں بتایا کہ انہوں نے اپنی ننھی پری کا نام ''ہیلینا'' حسن علی رکھا ہے۔
ہیلینا انتہائی منفرد اور خوبصورت نام ہیں جس کے معنی ہیں ''روحانی روشنی''۔
تاہم سامعہ آرزو نے تصویر شئیر کرتے ہوئے ہیلینا کو اپنی فیملی میں خوش آمدید کہا۔
سوشل میڈیا پر حسن علی کی بیٹی کی تصویر وائرل ہوگئی اور مداحوں کی جانب سے دونوں کو مبارک باد دینے کا سلسلہ جاری ہے۔
یاد رہے 20 اگست 2019 کو بھارتی لڑکی سامعہ آرزو سے رشتہ ازدواج میں منسلک ہونے والے بولر حسن علی نے 6 اپریل کو سماجی رابطے کی ویب سائٹ ٹوئٹر پر مداحوں کو خوشخبری دی تھی کہ اللہ نے انہیں بیٹی کی رحمت سے نوازا ہے۔