پاکستانی متنازعہ ٹک ٹاکر حریم شاہ نے ایک بار پھر اپنے بیان کی وجہ سے خبروں میں جگہ بنالی ہے۔ اس بار انہوں نے پاکستانی مردوں کو بیوقوف کہہ دیا۔
متنازعہ ٹک ٹاکر حریم شاہ کا ایک انٹرویو میں گفتگو کے دوران پاکستانی مردوں کے بارے میں اپنی راۓ کا اظہار کرتے ہوئے کہنا تھا کہ پاکستانی مردوں کو بیوقوف بنانا انتہائی آسان کام ہے۔ ان کا مزید کہا کہ پاکستانی مرد اپنی خواہشات کے پیچھے بھاگتے ہیں، اور ایسے لوگوں کو بیوقوف بنانا مشکل کام نہیں ہے۔
جبکہ مردوں اور عورتوں کے حقوق کے حوالے سے ان کا کہنا تھا کہ کون کہتا ہے کہ مردوں اور عورتوں کے حقوق برابر ہیں۔ مرد اگر دس بار بھی علیحدگی اختیار کرے تو معاشرہ انہیں کچھ نہیں کہتا لیکن اگر عورت اگر ایک بار بھی طلاق یافتہ ہو جائے تو معاشرہ اس عورت کو تسلیم نہیں کرتا۔
ان کا مزید کہنا تھا کہ خواتین کو خود تعلیم حاصل کرنے کی ضرورت ہے اور اسے وہ اپنا ہتھیار بنا سکتی ہیں۔
واضح رہے کہ ٹک ٹاکر حریم شاہ کے ساتھ پاکستانی معروف شخصیت کی متنازعہ ویڈیوز اور تصاویر سامنے آئی تھیں جس کے بعد حریم شاہ کو لوگوں کی جانب سے شدید تنقید کا سامنا کرنا پڑا تھا۔