کرچی میں ٹرانسپورٹ کے نظام کو بہتر بنانے کیلئے وفاقی حکومت کی مدد سے بننے والے منصوبے کراچی سرکلر ریلوے کا آج سنگِ بنیاد رکھ دیا گیا ہے۔

سنگ کی تقریب سے خطاب کرتے ہوئے وزیراعظم عمران خان کا کہنا تھا کہ کراچی کو بنیادی انفرا اسٹرکچر کی ضرورت ہے اور بنیادی انفرا اسٹرکچر کے اندر سب سے اہم چیز اس شہر کا ٹرانسپورٹ سسٹم ہوتا ہے، سرکلر ریلوے اس کی ایک بہت بڑی مثال ہے جو سارے کراچی سے گزرے گا جس سے سڑکوں سے گاڑیوں کا دباؤ کم ہوگا۔

عمران خان کا مزید کہنا تھا کہ وفاقی حکومت، اکیلے کچھ نہیں کر سکتی، اور بہت سے معاملات میں صوبائی حکومت اکیلے کچھ نہیں کر سکتی، ہمیں سیاسی اختلافات کو ایک طرف رکھ کر ہمیں ملک اور سندھ کی خاطر اکٹھے ہو کر چلنا پڑے گا۔

کراچی سرکلر ریلوے کے حوالے سے چند اہم باتیں:

کراچی سرکلر ریلوے 29 کلو میٹر طویل ہوگی جس میں 200 ارب سے زائد رقم خرچ ہوگی۔ اس کے علاوہ یہ منصوبہ 3 سال کی مدت میں مکمل کیا جائے گا۔ جبکہ سرکلر ریلوے 30 سٹیشنز کے ذریعے رہائشی، صنعتی سمیت دیگر علاقوں کو ایک دوسرے کے ساتھ جوڑے گا۔ جس سے کراچی میں ٹریفک کے دباؤ میں کمی آسکے گی۔

اس کے علاوہ کے سی آر منصوبے میں بجلی سے چلنے والی ٹرینیں شامل کی جائیں گی۔ تاہم کے سی آر منصوبے میں 4 کوچز ہوں گی جس میں 800 سے زائد مسافر سفر کر سکیں گے۔