سوشل میڈیا پر کچھ ایسی معلومات موجود ہیں جو کہ سب کو حیرت میں مبتلا کر دیتی ہیں، انہی میں سے کچھ سب کو خوف میں بھی مبتلا کر دیتی ہیں۔
ہماری ویب ڈاٹ کام کی اس خبر میں آپ کو ایک ایسے ہی افسوس ناک واقعے سے متعلق بتائیں گے۔
بچوں کی تفریح کے لیے لگائے گئے جھولے کب خطرناک ہو جائیں کسی کو معلوم نہیں اسی لیے ان کی دیکھ بھال ضروری ہوتی ہے۔
چین میں ایک ایسا ہی افسوس ناک واقعہ پیش آیا ہے جس میں چلتا ہوا جھولا گر گیا، جس سے موقع پر موجود سیر و تفریح کی غرض سے آئی فیملیز میں خوف و ہراس تو پھیلا ہی ساتھ ہی بھگدڑ بھی مچ گئی۔
چین کے صوبے شان ژی میں 27 جولائی کو ایک ایسا افسوس ناک واقعہ پیش آیا، جس نے چینی فیملیز میں خوف و ہراس پھیلا دیا، ایمیوزمنٹ پارک میں موجود جھولا اچانک گر گیا، جس میں سوا بچے بھی جھولے کی زد میں آ گئے۔
خوش قسمتی سے کوئی جانی نقصان تو نہیں ہوا البتہ 18 بچے زخمی ہوئے، جنہیں طبی امداد کے لیے قریبی اسپتال منتقل کیا گیا۔ ویڈیو میں دیکھا جا سکتا ہے کہ پارک میں موجود جھولا اچانک گر گیا اور پھر موقع پر چیخ و پکار کی آوازیں سنائی دے رہی ہیں۔