چہرے پر تل کہیں خوبصورتی کی نشانی سمجھے جاتے ہیں تو کچھ لوگ ان سے بے حد تنگ ہوتے ہیں۔ خاص طور پر موٹے تل اور مسّے خواتین کو تو بہت ناپسند ہوتے ہیں۔ البتہ ان کو کم یا ختم کرنا دوا سے ممکن نہیں۔ آج ہم آپ کو ان طریقوں کے بارے میں بتائیں گے جو ڈاکٹر آزماتے ہیں۔
مسّے ختم کرنے کا ایک طریقہ سرجری ہے جس میں انجیکشن کے ذریعے متاثرہ حصے کو سن کیا جاتا ہے اور پھر مسـے یا تل کو جلد سے نکال کر الگ کیا جاتا ہے۔ اس کے بعد جلد پر ٹانکا لگایا جاتا ہے اور مریض کو انفیکشن سے بچاؤ کی دوا دی جاتی ہے۔
لیزر کے ذریعے
جدید دور میں لیزر کے ذریعے تل اور مسے زیادہ آسانی اور بغیر کسی تکلیف کے نکالے جاسکتے ہیں۔ اس طریقہ کار میں جلد پر تلوں کو تھام کر لیزر لائٹ دکھائی جاتی ہے۔ لیزر کی شعاعیں مخصوص حصے کے خلیات کو توڑ دیتی ہیں جبکہ باقی حصہ متاثر نہیں ہوتا۔ تل والے حصے پر ڈاکٹر ہلکا سا پلاسٹ لگا کر چھوڑ دیتے ہیں اور کچھ دن میں نئے خلیات بن جاتے ہیں۔
بہتر یہی ہے کہ کوئی بھی طریقہ ماہر ڈاکٹر کھ مشورے کو مدنظر رکھ کر اور اس کی نگرانی میں کروایا جائے۔