“گھر جانے کا وقت آگیا ہے۔ میرے دوستوں کامل خان اور اسد علی کا بہت شکریہ جنھوں نے میرا خیال رکھا اور میلبورن کا ٹرپ اتنا یادگار بنایا۔ اب میں صحت ند ہو کر دوبارہ یہاں آؤں گا“
یہ کہنا ہے پاکستان کے مشہور سابق کھلاڑی اور فاسٹ بالر شعیب اختر کا جوو پچھلے کچھ عرصے سے آسٹریلیا کے اسپتال میں زیرِ علاج تھے۔ شعیب اختر نے گھٹنوں کے طویل آپریشن سے پہلے اپنے مداحوں سے دعاوں کی اپیل بھی کی تھی۔ آپریشن کے بعد بھی ان کی طبعیت کافی ناساز تھی اور وہ تکلیف میں مبتلا تھا۔
وطن واپس کا اعلان کرتے ہوئے شعیب نے ایک تصویر بھی سوشل میڈیا اکاؤنٹ پر پوسٹ کی ہے جس میں وہ ہاتھوں میں بیساکھی تھامے ہوئے ہیں۔ شعیب اختر کے اس سے پہلے بھی 5 بار گھٹنوں کا آپریشن ہوچکا ہے اور اس بار ان کا ہونے والا آپریشن 8 گھنٹوں کا تھا۔