دنیا بھر میں اچانک ملکہ کا سب سے بڑا پورٹریٹ وہ بھی فضا میں اچانک ہی نظر آنے لگا ہے جسے دیکھ کر لوگ حیران ہیں۔ اس منظر کو بنانے والی برطانیہ کی ایک خاتون پائلٹ امل لارڈ ہیں جنھوں نے ملکہ الزبتھ دوم کو خراجِ تحسین پیش کرنے کے لئے ڈارنیئر 328 نامی طیارے میں سوار ہو کر مسلسل 2 گھنٹے کی پرواز سے یہ پورٹریٹ بنایا۔
یہ پورٹریٹ 105 کلومیٹر لمبا اور 63 کلومیٹر چوڑا ہے اور اسے بنانے کے لئے امل نے 413 کلومیٹر کا سفر طے کیا ہے۔ اس پورٹریٹ کو بنانے کے لئے امل لارڈ نے کئی بار مختلف پروازوں سے پریکٹس کی تاکہ مطلوبہ ٹریک مل سکے۔ ٹریک کے ذریعے ملکہ کا خوبصورت اور وسیع و عریض پورٹریٹ بنانے پر امل کو دنیا بھر میں سراہا جارہا ہے۔
امل لارڈ کا کہنا ہے کہ وہ ایک این جی او سے بھی منسلک ہیں اور یہ پورٹریٹ بنا کر وہ اپنے ادارے کے لئے چندہ اکھٹا کرنا چاہتی تھیں۔