شادیوں میں ڈانس تو عام سی بات ہے اور چند روز قبل میرا دل یہ پکارے گانے پر ڈانس کی ویڈیو نے سوشل میڈیا پر بھرپور پذیرائی حاصل کی جبکہ اب ایک اور ویڈیو سامنے آئی ہے جس میں ایک بھاری بھرکم شخص پنجابی گانے پر ڈانس کررہا ہے۔
پاکستان میں موسم سرما میں شادیوں کا رجحان بڑھ جاتا ہے اور سرد موسم میں لوگ شادیوں سے خوب لطف اندوز ہوتے ہیں اور ایسے مواقع پر اکثر دلچسپ ویڈیوز بھی منظر عام پر آتی ہیں۔
گزشتہ دنوں عائشہ مانو نامی لڑکی کے میرا دل یہ پکارے آجا گانے پر ڈانس کی ویڈیو سوشل میڈیا پر بہت زیادہ وائرل ہوئی تھی جس کے بعد اس لڑکی کو مختلف ٹی وی چینلز پر بھی مدعو کیا گیا جبکہ اس کے علاوہ بھی بیشمار ویڈیوز سوشل میڈیا پر پسند کی جاتی ہیں۔
انسٹاگرام پر بلال سعید فوٹو گرافی نام کے ایک پیج پر شادی میں ڈانس کرنے والے ایک بھاری بھرکم شخص کی ویڈیو شیئر کی گئ، اپنی وزن کے برعکس یہ شخص بہت خوبصورت انداز میں پنجابی گانے پر ڈانس کررہا ہے۔
سوشل میڈیا صارفین نے اس ویڈیو پر ملے جلے ردعمل کا اظہار کیا ہے، جہاں کچھ لوگوں نے اس ڈانس کو پسند کیا وہیں ناقدین نے ڈانس کرنے والے شخص پرکڑی تنقید کی ہے۔