اسلام آباد: پاکستان کی قومی ایئر لائن پی آئی اے نے یوم پاکستان کے موقع پر اندرون ملک کرایوں میں کمی کا اعلان کردیا ہے۔
پی آئی اے ترجمان کے مطابق اندرون ملک تمام پروازوں پر 23 مارچ کیلئے کرایوں میں 10 فیصد کمی کا فیصلہ کیا گیا ہے۔
ترجمان کے مطابق پی آئی اے صارفین کیلئے خصوصی رعایت یوم پاکستان کے پرمسرت موقع پرکی گئی ہے۔
پی آئی اے ترجمان نے واضح کیا ہے کہ قومی ایئرلائن کے تمام صارفین اس رعایت سے مستفید ہوسکتے ہیں۔