کراچی: پاکستان کی معروف ٹک ٹاک اسٹار حریم شاہ نے ویڈیو پیغام میں اپنے مداحوں کو دھوکے بازوں سے کنارہ کشی اختیار کرنے کا مشورہ دے دیا۔
انہوں نے انسٹاگرام پر کہا کہ مومن وہ ہے جو ایک سوراخ سے دو بار نہیں ڈسا جاتا، اگر کسی انسان کو لگے کہ کوئی اسے دھوکہ دے رہا ہے تو وہ وقت پر ہی اس سے دور ہو جائے۔
حریم شاہ کا کہنا تھا کہ اللہ تعالی نے انسان کی زندگی بہت خوبصورت بنائی ہے، ہر انسان کو چاہیے کہ وہ اپنی زندگی پرسکون انداز میں گزارے، اگر کوئی برائی کرے، دھوکہ دے تو اس سے کنارہ کشی اختیار کرلینی چاہیے۔
معروف ٹک ٹاکر نے دعا کی اپیل کرتے ہوئے کہا کہ میں اکیلی ہوں، مجھے کسی کی ضرورت نہیں، میں دھوکے بازوں پر لعنت بھیجتی ہوں، مجھے اپنی دعاؤں میں یاد رکھیں۔