واشنگٹن: جماعت اسلامی کے رہنما سینیٹر مشتاق احمد خان نے کہا ہے کہ امریکی جیل میں قید ڈاکٹرعافیہ صدیقی کی رہائی کی چابی واشنگٹن نہیں بلکہ اسلام آباد میں پڑی ہے۔
جماعت اسلامی کے رہنما سینیٹر مشتاق احمد خان نے سماجی رابطے کی ویب سائٹ ٹوئٹر پر لکھا کہ میری، ڈاکٹر فوزیہ صدیقی اور وکیل کلائیو سمتھ کی ڈاکٹر عافیہ سے 3 گھنٹے ملاقات جاری رہی جو انتہائی دکھ بھری تھی۔
انہوں نے کہا کہ ڈاکٹر عافیہ کی صحت کمزور، بار بار ان کی آنکھوں میں آنسو اور وہ جیل اذیت سے دکھی اور خوفزدہ تھیں۔ ان کے سامنے کے اوپر کے 4 دانت ٹوٹے ہوئے ہوئے تھے اور سر پر چوٹ کی وجہ سے کم سنائی دے رہا تھا۔ وہ بار بار کہہ رہی تھیں کہ مجھے اس جہنم سے نکالو۔
یہ بھی پڑھیں:
سینیٹر مشتاق احمد خان نے کہا کہ ڈاکٹر عافیہ کو ملاقات کے اختتام پر زنجیروں میں لے جایا گیا۔ بچے، جیل کی اذیت اور جیل کے خوفناک مستقبل سے اداس ہو کر بار بار کہتیں کہ مجھے اس جہنم سے باہر نکالو۔
انہوں نے کہا کہ حکمرانوں، مظوم ڈاکٹر عافیہ کو رہا کراؤ، ان کی رہائی کی چابی واشنگٹن نہیں اسلام آباد میں پڑی ہے۔
آف وائٹ سکارف،خاکی ڈریس،سفید جاگرزمیں ملبوس ڈاکٹرعافیہ چھوٹےسے کمرے میں پارٹیشن کرکےشیشہ لگاکرٹیلیفون پر3 گھنٹے ملاقات/گفتگو،جو مکمل ریکارڈ ہورہی تھی،عافیہ کی صحت کمزور،بارباران کےآنکھوں میں آنسو،جیل اذیت سےدکھی اور خوفزدہ تھی،سامنے کےاوپرکے4 دانت ٹوٹے ہوئے تھے،ان کے سر پرچوٹ کی…
— Senator Mushtaq Ahmad Khan | سینیٹر مشتاق احمد خان (@SenatorMushtaq)