" خوشحال خان ایک زبردست اور باصلاحیت اداکار ہیں۔ ہاں میں یہ کہہ سکتا ہوں کہ وہ ہمارے بچے جیسا ہے بلکل وہ چھوٹا بھائی ہے"
یہ کہنا ہے معروف اداکار احسن خان کا جنھوں نے حال میں ہی مومن ثاقب کے ٹی وی شو میں شرکت کی۔ اسی دوران احسن خان نے اپنے اور ابھرتے ہوئے اداکار خوشحال خان کے رشتے پر بھی بات کی۔
احسن خان کہتے ہیں کہ مداح سمجھتے ہیں کہ خوشحال خان میرے بھانجے ہیں یا پھر قریبی رشتے دار ہیں لیکن ایسا کچھ نہیں۔ دراصل ہماری ایک ساتھ ویڈیو وائرل ہوئی تھی اور پھر ایک ڈرامے میں خوشحال نے میرے بھتیجے کا کردار بھی کیا تھا جس کی وجہ سے مداحوں کو غلط فہمی ہوگئی۔
البتہ احسن خان کا کہنا تھا کہ خوشحال خان بہترین انسان اور اچھے اداکار ہیں اور انھیں چھوٹے بھائیوں کی طرح ہی عزیز ہیں۔