ایمبولینس میں موجود ایک ہی خاندان کے 3 افراد کو زندہ جلا دیا گیا۔ تفصیلات کے مطابق یہ واقعہ بھارت کی ریاست منی پور میں پیش آیا جہاں 7 سالہ بچے، اس کی ماں اور گھر کے ایک اور فرد کو زندہ جلا دیا گیا۔
بھارتی میڈیا کے مطابق منی پور میں نسلی فسادات کا سلسلہ جاری ہے۔ بھارتی فوج نے مقامی لوگوں سے اپیل کی ہے کہ وہ اپنے ہتھیار سیکیورٹی فورسز کے حوالے کر دیں۔ فسادات میں اب تک 98 سے زائد افراد ہلاک ہوچکے ہیں۔ اس ریاست کے 35 ہزار سے زائد افراد بے گھر ہوگئے ہیں۔ خبر ایجنسی کے مطابق منی پور میں ہندو اور عیسائی کمیونٹی میں 3 مئی سے نسلی فسادات جاری ہیں۔