امیتابھ بچن گھر کے باہر مداحوں سے ملنے ننگے پاؤں کیوں جاتے ہیں؟ لیجنڈری اداکار نے وجہ بتادی

image

بھارتی لیجنڈری اداکار امیتابھ بچن کی مقبولیت بھارت سمیت دنیا بھر میں آج بھی اتنی ہی ہے جتنی کہ ان کی جوانی میں تھی تاہم اداکار بھی مداحوں کے اس پیار کا احترام کرنا خوب جانتے ہیں اور ہر اتوار اپنے ان سے ملتے ہیں اور ان کی محبتوں کا شکریہ ادا کرتے ہیں۔

بالی ووڈ شہنشاہ امیتابھ بچن کی ممبئی میں واقع رہائشگاہ "جلسہ" کے باہر ہر اتوار ان کے سیکڑوں مداح ان کی ایک جھلک دیکھنے کیلئے جمع ہوتے ہیں۔ امیتابھ انہیں ہاتھ ہلا کر ان کے خیر مقدمی نعروں کا جواب دیتے ہیں۔

تاہم یہاں یہ بات قابلِ غور ہے کہ امیتابھ اپنے مداحوں سے ملنے کیلئے گھر کے باہر ہمیشہ ننگے پاؤں کیوں جاتے ہیں؟ جس پر اداکار نے اپنے سوشل میڈیا اکاؤنٹ پر ایک پوسٹ لگائی جس میں انہوں نے اس راز سے پردہ اُٹھادیا۔

انہوں نے اپنی تصویر کے ساتھ لکھا، "مجھ سے کسی نے پوچھا آپ ننگے پاؤں جاکر مداحوں سے کیوں ملتے ہیں؟ جس پر میں نے جواب دیا کہ، آپ ننگے پاؤں مندر جاتے ہیں اور میرے لئے مداح اور میرے خیرخواہ میرا مندر ہیں ان کے احترام میں ننگے پاؤں جاکر ملتا ہوں۔ آپ کو اس سے کوئی مسئلہ ہے؟"

اداکار نے یہ بھی کہا کہ، انہوں نے گھر کے باہر گھنٹوں ان کی ایک جھلک دیکھنے کیلئے انتظار کرنے والوں کیلئے سادے اور لیموں پانی کا انتظام کر رکھا ہے تاکہ تپتی دھوپ اور گرمی میں آنے والے ان کے مداح اپنی پیاس بجھا سکیں۔


About the Author:

Humaira Aslam is dedicated content writer for news and featured content especially women related topics. She has strong academic background in Mass Communication from University of Karachi. She is imaginative, diligent, and well-versed in social topics and research.

مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.