آئی فون میں نیا سسٹم متعارف۔۔ اس دلچسپ فیچر کا عام صارف ہو کیا فائدہ ہوگا اور اسے کیسے استعمال کریں؟

ایپل نے اپنے نئے آئی او ایس 18 سسٹم کے ساتھ ایک دلچسپ فیچر متعارف کرایا ہے جو کہ پہلے آئی فون صارفین کے لیے دستیاب نہیں تھا۔ اب آپ آئی فون پر بھی کال ریکارڈ کر سکتے ہیں اور ان ریکارڈنگز کو محفوظ بھی کر سکتے ہیں۔

پہلے، آئی فون کے صارفین کو کال ریکارڈ کرنے کے لیے تھرڈ پارٹی ایپس کا سہارا لینا پڑتا تھا، لیکن آئی او ایس 18 کی آمد سے یہ کام براہ راست آپ کے فون پر ممکن ہوگیا ہے۔ اس نئے فیچر کا استعمال کرنا بہت آسان ہے: جب آپ کسی کو کال کریں گے، تو کال منسلک ہونے کے بعد آپ کو اسکرین کے اوپری بائیں کونے میں "ریکارڈ" کا بٹن نظر آئے گا۔ آپ کو اس بٹن پر کلک کرنا ہوگا۔

کال ریکارڈنگ شروع ہونے پر، دونوں طرف کے لوگوں کو یہ اطلاع دی جائے گی کہ کال ریکارڈ ہو رہی ہے۔ اس کے علاوہ، اگر آپ کسی طرح اس نوٹیفکیشن کو چھپانے کی کوشش کریں گے، تو ریکارڈنگ خود بخود بند ہو جائے گی۔ جب آپ کال ختم کرنا چاہیں گے، تو "اسٹاپ" بٹن پر کلک کرکے ریکارڈنگ روک سکتے ہیں۔

ریکارڈ کی گئی کال کا ٹرانسکرپٹ آپ کے نوٹس ایپ میں محفوظ ہو جائے گا۔ آپ کو نوٹس ایپ کھولنا ہوگا، پھر "کال ریکارڈنگز" کے فولڈر میں جا کر اپنی ریکارڈنگ تلاش کرنی ہوگی۔

یہ فیچر کچھ مخصوص زبانوں کے لیے دستیاب ہے، جیسے کہ انگریزی، ہسپانوی، جاپانی، مینڈارن چینی، اور پرتگالی۔ اس نئے فیچر کے ساتھ، آئی فون صارفین اب اپنی ضروری کالز کو آسانی سے ریکارڈ کر سکتے ہیں!