متحدہ عرب امارات میں جاری ٹی20 ایشیا کپ کے نویں میچ میں بنگلہ دیش نے افغانستان کو آٹھ رنز سے شکست دے دی۔
منگل کو ابوظہبی میں کھیلے گئے میچ میں 154 رنز کے تعاقب میں افغانستان کی پوری ٹیم 146 رنز بنا کر آؤٹ ہو گئی تھی۔
افغانستان کی جانب سے رحمان اللہ گرباز 35، عظمت اللہ 30 اور راشد خان 20 رنز بناکر نمایاں رہے جبکہ بنگلہ دیش کی جانب سے تنزید حسن 52، سیف حسن 30 اور توحید ہردوئی نے 26 رنز سکور کیے تھے۔
اس میچ کے بعد سٹیڈیم میں ایک ناخوشگوار واقعہ اس وقت رپورٹ ہوا جب افغانستان کے کپتان راشد خان کی ایک ویڈیو سامنے آئی۔
سوشل میڈیا پلیٹ فارمز پر وائرل ہونے والی ویڈیو میں دیکھا جا سکتا ہے کہ بظاہر راشد خان میچ ہارنے کے بعد امپائر کو مبینہ طور پر غیر شائشتہ انداز میں کچھ کہہ رہے ہیں۔
وائرل ویڈیو کے مطابق راشد خان نے مبینہ طور پر پاکستانی امپائر فیصل آفریدی کے ساتھ ’بدتمیزی‘ کی ہے۔
عمران صدیقی نے واقعے کی ویڈیو ایکس پر پوسٹ کرتے ہوئے لکھا کہ ’کپتان راشد خان نے میچ ہارنے کے غصے میں پاکستانی امپائر فیصل آفریدی کے ساتھ بدتمیزی کی۔‘
Afghan Captain Rashid Khan Misbehaved with Pakistani Umpire Faisal Afridi
Match Harnay Ka Ghussapic.twitter.com/Ku1kwZzUJH
— ٰImran Siddique (@imransiddique89) September 17, 2025
ایکس صارف بابر نے سوال اٹھاتے ہوئے لکھا کہ ’راشد خان نے ساتھی کھلاڑیوں کے ساتھ بدتمیزی کی ہے یا امپائر کے ساتھ؟ اگر ان کا امپائر کے ساتھ یہ رویہ ہے تو ان کے خلاف کارروائی ہونی چاہیے۔‘
Is Rashid Khan misbehaving with the umpire or with the players?
If it’s with the umpire, then action should be taken against him.
If it’s with the players, then they will just fight among themselves.Because they are Indian puppets.#BANvsAFG|#afgvsban|#AsiaCup2025 pic.twitter.com/4UcQAE7N8d
— BABAR (@BABAR9492) September 17, 2025
ڈاکٹر پابلو نامی اکاؤنٹ نے پوسٹ کیا کہ ’ایشین کرکٹ کونسل سے درخواست ہے کہ وہ افغانستان کے میچز میں پاکستانی امپائرز نہ لگائے، ہم پہلے اس امپائر کی وجہ سے ٹرائی سیریز ہار چکے ہیں اور اب ایشیا کپ میں میچز ہار رہے ہیں۔‘
Afghanistan Cricket Board must request @ACCMedia1 to stop assigning Pakistani umpires in our matches. We lost the Tri-Series final & Asia Cup game vs Bangladesh due to controversial calls by Pakistani Umpire Faisal Afridi deserves fair & professional umpiring. #ACB… pic.twitter.com/Ikhnn345yx
— Dr. Pablo (@Pablogaak) September 16, 2025
لاریب فاطمہ نے میچ کی ایک ویڈیو شیئر کرتے ہوئے لکھا کہ ’بہت اچھے فیصل آفریدی، پہلے آپ اپنے فیصلوں سے بنگلہ دیشی بیٹرز کو بچاتے رہے اور اب افغانی بیٹرز کو آؤٹ کروا رہے ہیں۔‘
Great Job Faisal Afridi
Saved Bangladeshi batters on umpire call and now giving Afghani batter's out on umpire call#BANvsAFG pic.twitter.com/rMNggIDlKq
— Laraib Fatima (@Laraib_Fatiima) September 16, 2025
اس معاملے پر تاحال انٹر نیشنل کرکٹ کونسل (آئی سی سی) یا پھر ایشین کرکٹ کونسل کی جانب سے کوئی موقف نہیں دیا گیا ہے اور نہ ہی امپائر فیصل آفریدی کی جانب سے کوئی ردعمل سامنے آیا ہے۔