پاکستان میں سونے کی قیمت ایک بار پھر تیزی سے بڑھ گئی ہے، معمولی کمی کے بعد آج مارکیٹ میں 8 ہزار 300 روپے کا نمایاں اضافہ ریکارڈ کیا گیا۔ آل پاکستان جیمز اینڈ جیولرز ایسوسی ایشن کے مطابق، اضافے کے بعد فی تولہ سونا 4 لاکھ 43 ہزار 62 روپے تک پہنچ گیا ہے۔ اسی طرح 10 گرام سونا بھی 7 ہزار 116 روپے بڑھنے کے بعد 3 لاکھ 79 ہزار 854 روپے میں فروخت ہو رہا ہے۔
ایسوسی ایشن کے مطابق عالمی منڈی میں بھی سونا مستحکم نہیں رہا اور وہاں اس کی قیمت 83 ڈالر کے نمایاں اضافے سے بڑھ کر 4207 ڈالر فی اونس تک جا پہنچی ہے۔ ماہرین کے مطابق عالمی معاشی غیر یقینی صورتِ حال اور ڈالر کی قدر میں اتار چڑھاؤ اس اضافے کی بڑی وجوہات ہیں۔