ملک میں سونے کی قیمتوں میں نمایاں کمی ریکارڈ کی گئی ہے۔ مقامی صرافہ مارکیٹ کے مطابق فی تولہ سونا 3300 روپے سستا ہونے کے بعد اس کی نئی قیمت 4 لاکھ 39 ہزار 762 روپے مقرر کردی گئی ہے۔ اسی طرح دس گرام سونے کی قیمت میں 2829 روپے کی کمی ہوئی، جس کے بعد یہ 3 لاکھ 77 ہزار 25 روپے کی سطح پر آگیا ہے۔
عالمی منڈی میں بھی سونا سستا ہوا ہے۔ بین الاقوامی مارکیٹ میں قیمت 33 ڈالر کمی کے ساتھ 4174 ڈالر فی اونس پر جا پہنچی۔ مقامی تاجروں کے مطابق عالمی سطح پر قیمتوں میں جاری اتار چڑھاؤ کا براہِ راست اثر پاکستانی مارکیٹ پر بھی پڑ رہا ہے۔