Add Poetry

حمد باری تعالیٰ

Poet: Khalid Roomi By: Khalid Roomi, Rawalpindi

تو ہی ابتدا، تو ہی انتہا، تری شان جل جلالہ
تو ہی دو جہاں کا ہے مدعا، تری شان جل جلالہ

کہوں کیا میں اس کے سوا؟ تری شان جل جلالہ
کوئی آج تک نہ سمج سکا، تری شان جل جلالہ

تری عظمتوں کا نشان ہیں، تری رفعتوں کا بیان ہیں
یہ شجر، حجر، یہ چمن، گھٹا، تری شان جل جلالہ

یہ جمال حسن و شباب سب، یہ تجلیاں، یہ گلاب سب
یہ چمک ہےکیا، یہ دمک ہے کیا، تری شان جل جلالہ

تری خوشبوئیں، تری نکہتیں، ہمہ جہت ہیں تری آیتیں
جہاں رخ کیا، تھا یہی لکھا، تری شان جل جلالہ

تو جلیل بھی، تو رحیم بھی، تو بے نیاز، کریم بھی
ہے بشر کا ہادی و رہنما، تری شان جل جلالہ

کہیں کو بہ کو،کہیں سو بہ سو، کہیں یم بہ یم،کہیں جو بہ جو
تری رحمتوں کا ہے سلسلہ، تری شان جل جلالہ

یہ مقام ناز و نیاز ہے، ترا لطف بندہ نواز ہے
ترے در کا رومی ہے اک گدا، تری شان جل جلالہ

Rate it:
Views: 768
31 Dec, 2009
More Religious Poetry
Popular Poetries
View More Poetries
Famous Poets
View More Poets