Add Poetry

نعتِ مصطفیٰ ﷺ

Poet: Dr.Muhammed Husain Mushahid Razvi By: Dr.Muhammed Husain Mushahid Razvi, Malegaon

ذاتِ والا ہوئی مصطفیٰ آپ کی
کیا صفت ہو بیاں مجتبیٰ آپ کی

پوچھا قرآں ہے کیا؟ کَہ اُٹھے اہلِ دل
ہر ورق میں بیاں ہے ثنا آپ کی

کیا مہر کیا قمر تارے اور کہکشاں
سب میں لاریب جاری ضیا آپ کی

آپ ہیں مالکِ مِلکِ ربُّ العلا
یہ فلک یہ زمیں باخدا آپ کی

آپ کا سیٖنہ ہے مخزنِ رازِ رب
چشم ، مازاغَ وَما طغیٰ آپ کی

ہر زمانے کی خاطر ہوئی رہنما
ہر ادا آپ کی ہر ادا آپ کی

آپ کی مرضی سے کعبہ قبلہ بنا
ہاں! رضاے خدا ہے رضا آپ کی

ہو مُشاہدؔ پہ آقا کچھ ایسا کرم
قبر میں بھی کرے یہ ثنا آپ کی
٭
 

Rate it:
Views: 254
13 Jan, 2013
More Religious Poetry
Popular Poetries
View More Poetries
Famous Poets
View More Poets