جے کر دین علم وِچ ہوندا تاں سر نیزے کیوں چڑھدے ھُو

جے کر دین علم وِچ ہوندا تاں سر نیزے کیوں چڑھدے ھُو
اٹھارہ ہزار جو عالم آہا اَگے حسین دے مردے ھُو
جے کجھ ملاحظہ سرور دا کردے تاں تمبو خیمے کیوں سڑدے ھُو
جے کر مندے بیعت رسولی پانی کیوں بند کردے ھُو
پر صادق دین تنہا دا باھُو جو سر قربانی کردے ھُو

عاشق سوئ حقیقی جیہڑا قتل معشوق دے منے ھُو
عشق نہ چھوڑے منہ نہ موڑے تورے سے تلواراں کھنّے ھُو
جت ول ویکھے راز ماہی دے لگے اسے بنّے ھُو
سچا عشق حسین ابن علی دا باھُو سر دتا راز نہ بھنّے ھُو