Add Poetry

ہم ہیں مشتاق اور وہ بیزار

Poet: ابنِ منیب By: ابنِ مُنیب, سویڈن

کہا، دل کی کوئی قیمت نہیں ہے
کہا، فقرہ پرانا ہو گیا ہے
کہا، جنت میں ہم تم ساتھ ہوں گے
کہا، تجھ کو بھی دھوکا ہو گیا ہے؟
کہا، چاہت نہیں تو غم عطا ہوں
کہا، اُن کا بھی سودا ہو گیا ہے
کہا، اپنا تھا جو اُس کو ہوا کیا؟
کہا، وہ اب پرایا ہو گیا ہے
کہا، مانگا ہے تجھ کو ہر دعا میں
کہا، جو کچھ تھا لکھّا، ہو گیا ہے
کہا، گیتوں میں تجھ کو قید کر لوں؟
کہا، ناداں تجھے کیا ہو گیا ہے
کہا، آتا نہیں جینا تِرے بِن
کہا، جا تُو نکما ہو گیا ہے
یہ کہہ کر چل دیا ظالم مگر پھر
مڑا اور مڑ کے دیکھا ایک پَل کو
نظر میں اِک شرارت موجزن تھی
شرارت وہ کہ جس کے سِحْر میں گم
بظاہر بُت بنا بیٹھا ہوں لیکن
"دروں کہرام برپا ہو گیا ہے"

- اِبنِ مُنیبؔ

(آخری مصرع محترم اکرام اعظم کا ہے)

Rate it:
Views: 590
29 Sep, 2017
Related Tags on Funny Poetry
Load More Tags
More Funny Poetry
Popular Poetries
View More Poetries
Famous Poets
View More Poets