Add Poetry

رفیق صبح اجالا شناس ہیں ہم لوگ

Poet: عابد شکیل فاروقی By: abid shakeel Farooqui, Karachi

رفیق صبح اجالا شناس ہیں ہم لوگ
حیات نو کے نئے آفتاب ہیں ہم لوگ

سفیر وہ شب ظلمت کے ،روشنی کے عدو
چراغ صبح کی روشن مثال ہیں ہم لوگ

وہ کارواں ہے جو منزل پہ جاکے دم لے گا
کہ حوصلوں کی عزم کی چٹان ہیں ہم لوگ

ہمارا عزم ہے کامل یہی رہبر یہی منزل
یہ ہمتوں کے امیں اس کے پیرو کار ہیں ہم لوگ

زباں ہماری ہے پھولوں کی لہجہ خوشبو کا
کہ میر و غالب و سچل لطیف ہیں ہم لوگ

میں کس طرح سے رہوں دھرتی سے لاتعلق سا
یہ ماں کا روپ ہے دھرتی کے لال ہیں ہم لوگ

زمیں سے کٹ کے کوئی گھونسلہ نہیں بنتا
بلندیوں کے اگرچہ ہیں نگہباں ہم لوگ

صدائیں دوگے ہمیں مڑ کے پھر نہی دیکھیں گے
نکل گیا تیرے ہاتھوں وہ وقت ہیں ہم لوگ

Rate it:
Views: 410
07 Feb, 2018
Related Tags on General Poetry
Load More Tags
More General Poetry
Popular Poetries
View More Poetries
Famous Poets
View More Poets