Add Poetry

جنون عشق

Poet: م الف ارشیؔ By: Muhammad Arshad Qureshi (Arshi), Karachi

تمہارے ہجر میں گذرے یہاں وہاں سے ہم
جنون عشق میں گذرے کہاں کہاں سے ہم

تمہارا ذکر ہی ہم نے تو جا بجا دیکھا
تمہارے شہر میں گذرے جہاں جہاں سے ہم

تری تلاش میں ہم بھی بھٹک گئے ہیں اب
پھر آگئے ہیں وہیں گذرے تھے جہاں سے ہم

بہت قریب سے دیکھا ہے موت کو ہم نے
تمہارے عشق میں گذرے جو امتحاں سے ہم

ابھی تو آئے ہو کچھ دیر تو ذرا بیٹھو
نکل تو جائیں ذرا دل کے اس گماں سے ہم

تجھے پسند نہیں اب جو ساتھ میرا تو
چلو نکلتے ہیں اب تیری داستاں سے ہم

تمہارے قدموں کی آہٹ سنائی دیتی ہے
ڈرے ہوئے ہیں محبت کی داستاں سے ہم
 

Rate it:
Views: 350
25 Oct, 2018
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets