Add Poetry

سوال

Poet: م الف ارشیؔ By: Muhammad Arshad Qureshi, Karachi

عشق جس کا نصاب ہوتا ہے
پیار کی وہ کتاب ہوتا ہے

یہ الگ بات ہے خسارا ہے
صبر بھی تو ثواب ہوتا ہے

عشق سچا اگر نہیں ہوتا
پھر تو جاں کا عذاب ہوتا ہے

اپنے سارے ہی اب سوالوں کا
خامشی اک جواب ہوتا ہے

میں تو اکثر یہ سوچتا ہوں اب
سچا بھی کوئی خواب ہوتا ہے

جب بھی پوچھا وفا کرو گے تم
پھر وہ کیوں لاجواب ہوتا ہے

چھوڑ باتیں کہ کس نے کیا پایا
عشق بھی اک سراب ہوتا ہے
 

Rate it:
Views: 381
15 Feb, 2019
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets