نعت گوئی میں دلکش فضا چاہیے
Poet: وشمہ خان وشمہ By: وشمہ خان وشمہ, ملایشیانعت گوئی میں دلکش فضا چاہیے
مجھ کو طیبہ کی ٹھنڈی ہوا چاہیے
میرے شعروں میں حسنِ نبی ہو فقط
شاہِ عالم کی مجھ کو عطا چاہیے
اب تو مطلوب ہے رحمتِ دو جہاں
زندگی کو میسر شفا چاہیے
آپ آئے تو ظلمت کے بادل چھٹے
اب بھی خیرُ الورٰی کی ضیا چاہیے
آپ ہیں بے قراروں کے آقا قرار
آپ کے عشق کی انتہا چاہیے
وشمہ چاہے ہمیشہ ہی رحم و کرم
اس پہ پیارے نبی کی ردا چاہیے
Rate it: 
Views: 514
14 Mar, 2019
More Love / Romantic Poetry
