Add Poetry

ہم کریں بات دلیلوں سے تو رد ہوتی ہے

Poet: Muzaffar Warsi By: afzal, khi
Hum Karen Baat Dalilon Se To Radd Hoti Hai

ہم کریں بات دلیلوں سے تو رد ہوتی ہے
اس کے ہونٹوں کی خموشی بھی سند ہوتی ہے

سانس لیتے ہوئے انساں بھی ہیں لاشوں کی طرح
اب دھڑکتے ہوئے دل کی بھی لحد ہوتی ہے

جس کی گردن میں ہے پھندا وہی انسان بڑا
سولیوں سے یہاں پیمائش قد ہوتی ہے

شعبدہ گر بھی پہنتے ہیں خطیبوں کا لباس
بولتا جہل ہے بد نام خرد ہوتی ہے

کچھ نہ کہنے سے بھی چھن جاتا ہے اعجاز سخن
ظلم سہنے سے بھی ظالم کی مدد ہوتی ہے

Rate it:
Views: 2316
15 Jul, 2019
More Muzaffar Warsi Poetry
Popular Poetries
View More Poetries
Famous Poets
View More Poets