Add Poetry

عجیب طور کی ہے اب کے سرگرانی مری

Poet: Abbas Tabish By: anas, khi
Ajeeb Tor Ki Hai Ab Ke Sargerani Meri

عجیب طور کی ہے اب کے سرگرانی مری
میں تجھ کو یاد بھی کر لوں تو مہربانی مری

میں اپنے آپ میں گہرا اتر گیا شاید
مرے سفر سے الگ ہو گئی روانی مری

بس ایک موڑ مری زندگی میں آیا تھا
پھر اس کے بعد الجھتی گئی کہانی مری

تباہ ہو کے بھی رہتا ہے دل کو دھڑکا سا
کہ رائیگاں نہ چلی جائے رائیگانی مری

میں اپنے بعد بہت یاد آیا کرتا ہوں
تم اپنے پاس نہ رکھنا کوئی نشانی مری

Rate it:
Views: 2771
25 Feb, 2020
Related Tags on Abbas Tabish Poetry
Load More Tags
More Abbas Tabish Poetry
Popular Poetries
View More Poetries
Famous Poets
View More Poets