لب کھول کہتا ہوں

ہمیشہ حق بول کہتا ہوں
تول کے لب کھول کہتا ہوں

ضائع نہ کر ان کو ، جو ہیں
زندگی کے دن انمول کہتا ہوں

اپنے عیبوں پہ نظر رکھنا
راز اوروں کے نہ کھول کہتا ہوں

جس سے کرو تو نبھاؤ اسے تم
کرو جو بھی قول کہتا ہوں

قناعت اپناؤ اپنی زندگی میں
نہ اٹھانا پڑے کشکول کہتا ہوں

نظر آسماں پر، زمیں پر ہوں پاؤں
نہ اڑنے کے لئے پر تول کہتا ہوں

خدا ہی بچائے گناہوں سے کاشف
ہر دم پڑھا کر لاحول کہتا ہوں