پھر سے دید و شنید ہو جائے

Poet: ابنِ منیب
By: ابنِ مُنیب, سویڈن

پھر سے دید و شنید ہو جائے
دل سراپا اُمید ہو جائے

دُور ہوتا گیا ہے وہ ہم سے
جیسے ماضی بعید ہو جائے

اُس کی قسمت پہ رشک جو اپنی
جستجو میں شہید ہو جائے

تار بن کر تڑپ اُٹھے ہستی
درد ایسا شدید ہو جائے

آپ کہتے ہیں دل نہیں دیں گے
بات اِس پر مزید ہو جائے؟

حشر تک انتظار کر لیں گے
کوئی وعدہ وعید ہو جائے

زخم دیتے ہوئے کہا اُن نے
عاشقی کی رسید ہو جائے؟

گر بڑھا دیں وہ ہاتھ بیعَت کو
سخت کافر مُرید ہو جائے

لے کے نکلیں وہ ہاتھ میں خنجر
جانثاروں کی عید ہو جائے

شانِ ماضی پہ بیٹھنے والو
ذکرِ عہدِ جدید ہو جائے؟

آنکھ ہو تو حقیقتِ ہستی
چشمِ نم سے کشید ہو جائے

کیا خبر ہے مُنیبؔ تاریکی
صبحِ نو کی نوید ہو جائے

(ساتویں شعر میں "اُن نے" شوقیہ استعمال کیا ہے، کلاسیکی شعراء کی یاد میں)

Rate it:
Views: 76

More Urdu Ghazals Poetry

POPULAR POETRIES

FAMOUS POETS

Email
08 Jun, 2017
About the Author: Ibnay Muneeb
https://www.facebook.com/Ibnay.Muneeb.. View More
Visit 132 Other Poetries by Ibnay Muneeb »

Reviews & Comments

wah buhat khoob
shairy ka lutf krta gaya dobala hr naya shair any wala
EXCELLENT
stay blessed Always

By: uzma, Lahore on Jun, 11 2017

Many thanks :) . Aadab.
By: Ibnay Muneeb, Lahore on Aug, 06 2017
Language:    

My Page! Account Login:

(Post your Comments Immediately)
Email
Password
Do not have MyPage! account? Create Now

Guest Login:

(Comments will be online after Moderator Review)
Name
Email
City
Language:    

My Page! Account Login:

(Post your Comments Immediately)
Email
Password
Do not have MyPage! account? Create Now

Guest Login:

(Comments will be online after Moderator Review)
Name
Email
City