Add Poetry

کون بھنور میں ملاحوں سے اب تکرار کرے گا

Poet: Noshi Gilani By: Zeeshan, khi
Kon Bhanwar Mein Malaahon Se Ab Takraar Kere Ga

کون بھنور میں ملاحوں سے اب تکرار کرے گا
اب تو قسمت سے ہی کوئی دریا پار کرے گا

سارا شہر ہی تاریکی پر یوں خاموش رہا تو
کون چراغ جلانے کے پیدا آثار کرے گا

جب اس کا کردار تمہارے سچ کی زد میں آیا
لکھنے والا شہر کی کالی ہر دیوار کرے گا

جانے کون سی دھن میں تیرے شہر میں آ نکلے ہیں
دل تجھ سے ملنے کی خواہش اب سو بار کرے گا

دل میں تیرا قیام تھا لیکن اب یہ کسے خبر تھی
دکھ بھی اپنے ہونے پر اتنا اصرار کرے گا
 

Rate it:
Views: 1701
28 Jul, 2017
More Noshi Gilani Poetry
Popular Poetries
View More Poetries
Famous Poets
View More Poets