مست ہوں میں

‎ہر شے میں پیوست ہوں میں مست ہوں میں
‎خود میں بندوبست ہوں میں مست ہوں میں

‎ہفت افلاک ہیں جس کے زیرِ زانو
‎دیوانے کی جست ہوں میں، مست ہوں میں‫‫

‎جیتنے والوں کے چہرے پر حیرت
‎محوِ رقصِ شکست ہوں میں ‫مست ہوں میں

‎یہ جو شرارت تھی ، ہے معصومانہ
‎کس نے کہا بد مست ہوں میں، مست ہوں میں

‎کرتا ہے سب کچھ وہ میرے وسیلے
‎اس کی چشم و دست ہوں میں، مست ہوں میں

‎خرم شاہ کو چھوڑ آیا ہوں دفتر
‎اب بس شاہ الست ہوں میں مست ہوں میں